مرحب بك بك زائرنا علي منتديات نجوم الفن السوداني



 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 العبادي" ليالي العاصمة "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور حذو
Admin


عدد المساهمات : 223
تاريخ التسجيل : 22/11/2014
العمر : 26
الموقع : http://sudan.nojoumarab.net

مُساهمةموضوع: العبادي" ليالي العاصمة "   الخميس أكتوبر 08, 2015 12:45 am

..................................................
اغنية: ليالي العاصمه
كلمات: الشاعر ابراهيم العبادي
الحان وغناء: الفنان الحاج محمد احمد سرور
اداء: الفنان بادي محمد الطيب
..................................................
شيخ ريا حسبك من فخر .. ليك البدور طايعات تخر
..
اذكر ليالي العاصمة .. المن سوء الهك عاصما
هي جنة شرطاً عاصما .. يمسك بنان في معاصما
..
كانت ليالي مواسما .. انوار تلالي الي السما
في قلبي دايماً راسما ولكن .. حروفا مجسمة
..
بالله يوم المهرجان الجو.. صافي من الدجان
مما رأيت تلك الوجان .. انا عقلي فرا ركبلو جان
..
ايام غلس ما اقصرا .. وراحت كأن لم نذكرا
يـاربي خدر عنصرا .. وانصر جيوش بختنصرا
..
ايام سرور بسراع تمر .. والكون يقنب فوق جمر
لوتاني عادت و لي امر .. اليوم ببدلو بي عمر
..
ماشفتنهن حين قالو جن .. زي الكهارب بهرجن
اوع السلوك فوق الوجن .. بالنظرة ليك بتلجن
..
افني شموس عين قنبن .. وجن شلوخن علبن
صيد الخلا الما طنبن .. في قلبي نزلن وطنبن
..
لوشفتهن تحت القصر .. حاملات نياشين النصر
تلك البدور طلعت عصر .. اودرت ناس الخم وصر
..
ياصاحب بذكر جلستن .. واوصاف مناظر خلستن
مولاي حواك من حبستن .. اجي يظبطني وسطهن
..
صياح سرور وتلاه الامين .. ضلت قلوب العالمين
عاقلنا يلزمني اليمين .. ماعرف شمالو من اليمين
..
بادر وبقي وشغل القلوب .. بي لبو للانظـار جلوب
كم بي لحاظو هزم تلوب .. وقتل اسود عاتي التلوب
..
الله قد تعس الكفر .. فضح الشمس وكتين سفر
ستة الشلوخ واقفات غفر .. لي فاها اغاليد النفر
..
النقرابي من بينن طفر .. وقال لينا في عينكم ضفر
شار لي وضيبو الانضفر .. ليل كنا لكن كفر
..
شبه اريلاً حاول فزاز .. عينيها والجيد جام قزاز
بي عودا يا ست العزاز .. تلكم ليالينا اللذاذ
..
النقعة خز والقامة زان .. والنون تقول الخيرزان
حين وقعولو النقرزان .. جل الغني لي صورتو زان
..
عمل القلوب كورة قدم .. يلعبها وهي في العدم
كهربنا والصف انهدم .. تلقانا قتلا ومافي دم
..
لله درك ياعمر .. سوق الادب بيك انعمر
ضرغام وابهي من القمر .. والطف وارق من الثمر
...
بي عودا يامولاي تعود .. ايام هنا وطالع سعود
نتلاقي في اقرب وعود .. يبقي الحسود فوق عينو عود
..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sudan.nojoumarab.net
 
العبادي" ليالي العاصمة "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مكتبة الشعر السوداني :: شعراء الحقيبه :: مكتبة الشاعر العبادي-
انتقل الى: